Inoiz pentsatu al duzu plataforma-joko klasikoen antzeko bideojoko bat sortzea? Tailer praktiko honetan zure 2D plataforma-jokoa hutsetik garatzen ikasiko duzu, Unity erabiliz, bideojokoen industriako garapen-motorrik erabilienetako bat. Haimar Arregui-ren eskutik, mailak diseinatzen, pertsonaiaren mugimendua programatzen, etsaiak sortzen, oztopoak gehitzen eta zure bideojokoari bizia ematen ikasiko duzu. Ez da beharrezkoa aurretiko esperientziarik izatea; ikasteko eta sortzeko gogoa besterik ez.
Haimar Arregui: Teknologia, bideojokoak eta robotika gustuko ditut, eta urteak daramatzat haur eta gazteentzako tailerrak, ikastaroak eta udaleku teknologikoak ematen, programazioaren alderdi sortzailea ezagutzen laguntzeko. Unity eta Roblox Studio erabiliz bideojokoak garatzen, robotak, droneak eta adimen artifiziala programatzen esperientzia dut, betiere metodologia praktiko baten bidez: esperimentatuz, eraikiz eta ondo pasatuz ikastea da helburua.
